كلامنا لسة ف أوله

كتبهاعلاء عيسى ، في 16 يونيو 2008 الساعة: 18:33 م

 

 

                                                            225ima                               121425

 

…………

..

……….

……..

إستنى بس …

مش قادر اتكلم بجد

فيه حاجات

ماعرفشى إيه هى الحاجات

حايشة لسانى من الكلام

مش قادر انطق أى حرف

مش قادر اسمع أى حرف

إستنى بس ..

لما روحى

 تلقط النفس اللى ضاع منها

وتايه من  سنين

لما اشوف نفسى اللى غابت عنِّى فين .

إستنى بس..

لما المشاعر تستريح م السفر

وتنشف العرق اللى غيَّر شكلها

خليها تلقى نفسها .

خليها تلبس توب جديد

م النهاردة هاينحسب للقلب عيد

إستنى بس …

لما العيون تحفض جمالك

لساها بادئة تبتدى

تتهجى حرف السحر فيه..

إستنى بس..

لما قلبى يبطل الدق اللى فيه.

عدت ساعات

وعنيا قالت:

سبنى حبة

داللى عدى كان ثوانى

والصمت زاد

والكلام بقى بين عيونَّا

كل مَايخلص

 يعيدوا الهمس تانى

والإيدين باصين لبعض وغيرانين

والدمع زاد بين الصوابع

والكفوف صوتها طلع .

متشوقين

سيبنا إيدينا لبعضهم

وعيونا حاضنة بعضهم

ماعرفش إحنا روحنا فين؟

ولا أصلاً روحنا إمتى ؟

ولا إمتى رجعنا تانى؟

ماعرفشى إيه كان المكان

الأماكن كلها كانت جميلة

والناس برغم الزحمة

 شايفينها قليلة

عدت ساعات

بعد الساعات

والوقت فات

وكلامنا لسة ف أوله

سابت إيدينا بعضها

وعيونا فكت حضنها

وبتنتظر

فرصة تيجى لنا نكمله

بكرة أكيد هانكمله

داكلامنا لسة ف أوله.

 

 

 

121425

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : الشعر, رومانسى | السمات:,
أرسل الإدراج  |   دوّن الإدراج  

10 تعليق على “كلامنا لسة ف أوله”

  1. مع تحيات مدونة مدرسة حشاد للتكوين النقابي بصفاقس اقترح عليكم زيارتها وابداء الراي في محتوياتها وفقكم اللهhttp://hached.maktoobblog.com/

  2. قصيدة جميلة بالاحاسيس التي فيها ، رقيقة ومعبرة

    تحياتي

  3. شكراً لزيارتكم

    مدرسة حشاد بصفاقس

    وإن شاء الله

    قريبا لكم زيارة فى مدونتكم

    والشرف لى

  4. ***…علاء يا فنان

    ..يا كتلة الاحساس و المشاعر الصادقة

    ..بسطة كلامك خلاني أحس ان اللي مكتوب ده يا كلامي..يا مكتوب ليا أنا..

    ..من فضلك ما تكسلش..أكتب ..و أكتب ..و متعنا ..

    .

  5. د. أسماء

    شكرا لزيارتك

    وتحية لوطنك

    العظيم

    تحياتى

  6. الرقيقة الراقية

    ” منى صاوى ”

    كلماتك هذه تسعدنى

    ولذا لا تحرميننى من متابعة زيارتك

  7. كلام جميل ورقيق واسلوب راقي
    مدونتي تنتظرك

  8. ماشاء الله كلمات جميلة جدا انا هتعلم منك كتير ان شاء الله

  9. ماشاء الله كلمات جميلة جدا وانا هتعلم منك كتير ان شاء الله ربنا يبارك فيك

  10. جزاك الله خيرا اخى الكريم على السؤال

    واسفه لأنى بدخل قليل جدا الايام دى لظروفى



اكتب تعليــقك
الإسم الذي سيظهر على التعليق
مشتركي مكتوب
اسم آخر

آهى عيشة وحياة ماشية ..... نجوع وبتشبع الحاشية



آهى عيشة وحياة ماشية ..... نجوع وبتشبع الحاشية