عفواً ..سقط … العنوان … سهواً
كتبهاعلاء عيسى ، في 4 يوليو 2007 الساعة: 03:22 ص
(…………..!!……….. )
عفواً
سقط
العنوان
سهوا"
عفواً (1 )
جراج " فى وسط البلد
مكتوب عليه ممنوع ..؟
دا ملك لابن الذى ..
ولهيئة المشروع
سألت مين البيه ..
واسم الذى حارسه
قاتلوا لى بطل هبل
سك لنا ع الموضوع
دا يا ما غيرك سأل
لاكنه مات من الجوع
……………
سقط (2 )
" البيضة " ويا " الفرخة "
على طول سوا فى نقار
والمشكلة كلها
مين ابتدا المشوار
الفرخة قالت :
هس
يا بيضة بايضاكى
والبيضة قالت :
بس
يا فرخة فاقساكى
على طول كده يا ناس
ع الحال ده ليل ونهار
والمشكلة كلَّها
مين ابتدا المشوار .. ؟
روحنا لواحد شيخ
يحكم لنا بينهم
قلنا يا عم الشيخ
فرَّق لنا بينهم
الشيخ فى كلمة ونص
مين غير ما حتى يبص
قال :
البيوت أسرار
لاتنين سوا ف النار
الفرخة تبقى الغدا
والبيض لزوم العشا
وان فاض بيبقى فطار
واهو كله خير فى الدار
………………………….
العنوان ( 3 )
" القمح " ويا " الدرا "
دول زرعتين فى الريف
متغيرين فى الشكل
بين " سنبله " و " طراطيف "
طول عمرهم فى خصام
زى " الشتا " و " الصيف "
وآخرة المسألة
يتجمعوا فى رغيف
………………………………….
سهواً ( 4 )
وكان واحد من اياهم ..!
أخد واحدة من اياهم ..!
على حتة من اياهم ..!
وبالصدفة أنا وصاحبى
على السكة لمحناهم
وفجأة جه " غفير " عدى
وقام واخدنا وياهم ..!!
ـــــــــــــــــــــــــــــــــــــــــــــــــــــــــ
التصنيفات : الشعر | السمات:الشعر
أرسل الإدراج | دوّن الإدراج
