إلى راعى الرعية
كتبهاعلاء عيسى ، في 15 أبريل 2008 الساعة: 21:17 م
إلى راعى الرعية
السيد / رئيس الجمهورية
شكوى من داخل صفوف رغيف العيش
******************
يا رئيس الجمهورية
كيلنا فاض م العيشة دية
اتفقنا ان انت أب
وانت راعى للرعية
جابو ناس ترعى المصالح
طلعوا ناس بايعة القضية
قول لهم بشويش علينا
قول لهم فيه آخرة جاية
عمرنا مانكون عبيد
والبلد ماهياش وسية
لو يعوزوا يدوخونا
قول لهم الشعب داخ
يفتحوا العشة يلاقونا
هشة وتنام الفراخ
يارئيس بالله عليك
ربنا يعزك كمان
وانت جاى تتعشى فكَُر
نص شعبك نام جعان
سيبنا من سعر الحديد
واللا أسمنت المبانى
نفسنا بس فى معيشة
ليها طعم وشكل تانى
إحنا مش طالبين فلوس
إحنا عايزين الرغيف
ندهنه بريحة غموس
أى حاجة بس ناكل
كنا راضيين بالفلافل
ليه يغلَُو الفول علينا؟
يارئيس إيه دا اللى حاصل ؟!
يارئيس والله استوينا
قول لنا إيه بس ناكله
وفروا لنا حاجة شكله
حتى مش طالبين لحوم
والفراخ مالهاش لزوم
والسمك مالهش عازة
والكبد زى القوانص
رخصوا بس البطاطس
إعتبر شعبك فريق
خد بطولة باسم مصر
إفتكر حاجة لشعبك
إحنا برضه شعب مصر
اللى ياما وقفنا جنبك
ياما قولنالك آمين
ياما شدينا الحزام
كلَلَََه ياريس بأمرك
ربنا يطول فى عمرك
نفسنا نستغنى عنه
فكَُها حبة علينا
والحزام ريحنا منه
البلد نقسمها بينًَنا
حاجة لينا وحاجة ليهم
أى حاجة تبل ريقنا
والبلد مبروك عليهم
يارئيس الجمهورية
كيلنا فاض م العيشة دية
يارئيس الجمهورية
نفسنا ف عيشة هنية
********* ……،،،
ـــــــــــــــــــــــــــــــــــــــــــــــــــــــــ
التصنيفات : الشعر | السمات:الشعر
أرسل الإدراج | دوّن الإدراج
مايو 1st, 2008 at 1 مايو 2008 7:29 م
لما اهملنا اراضينا ضيعنا قوت أولادنا,,,,
لا نقول الا لا حول ولا قوة الا بالله
بارك الله فيك
مايو 1st, 2008 at 1 مايو 2008 8:04 م
شكرا أستاذة وفاء
وتحية خاصة للأردن الشقيق
لقد تصفحت مدونتك ولى عودة هناك
مايو 1st, 2008 at 1 مايو 2008 8:08 م
شكرا للزيارة أخي الطيب
الملف (لا يحدث إلا في العراق) يفتح بعد الضغط على play مرتين
…………………….
سعدت بالتواجد هنا انحيازا للخبز ..والفقراء
مودة وورد
مايو 24th, 2008 at 24 مايو 2008 7:03 ص
يارئيس والله استوينا
قول لنا إيه بس ناكله
وفروا لنا حاجة شكله
حتى مش طالبين لحوم
والفراخ مالهاش لزوم
والسمك مالهش عازة
والكبد زى القوانص
رخصوا بس البطاطس
إعتبر شعبك فريق
خد بطولة باسم مصر
إفتكر حاجة لشعبك
إحنا برضه شعب مصر
اللى ياما وقفنا جنبك
ياما قولنالك آمين
علاء عيسى
نعم ياصديقي وهذا بيت البلاء !
(( ياما قولنالك آمين ))
بعد الأتكال على الرب
لابد من كلمة للشعب
أي شعب،
أي أمة تحلم بالعيش الكريم
وبعزة النفس والوطن
قبل الرغيف ,,
مع أطيب أمنياتي لقلمك الحر
رعاك الله
مايو 24th, 2008 at 24 مايو 2008 11:27 ص
الفاضل الغالى
الأستاذ /
عاطف
شكرا لزيارتك
وتواجدك
مع الفقراء وانحيازك لهم ” فقراً وخبزاً”
تحياتى
مايو 27th, 2008 at 27 مايو 2008 3:00 ص
الله على هذه الكلمات الرائعه بجد إنت كتبت اللى فى قلبنا وانا أحيى إحساسك المتميز دائما إحنا أهلك كل ناسك إحنا عاشقينك يا طيب يابن مصر
من النهارده مفيش معارضه
إحنا زيك بنحب مصر
بإسم قافله شعراء ديرب نجم البلد إحيى الاستاذ علاد عيسى لادراكه الحال الظاهر والباطن بمصر وأكيد للامه العربيه كلهااااااااااااااااااااااااااااااا وشكرااااا
أكتوبر 16th, 2008 at 16 أكتوبر 2008 2:20 م
بارك الله فيك اخى علاء وعذرا لتأخيرى لظروف مرضية
ووالله انا نقلاها فعلا ولكن مش من هنا من مكان تانى خالص ولو حضرتك اخدت بالك من العنوان تلاقى مكتوب منقول وعموما حص خير وشكرا لتنبيهى ربنا يجازيك كل خير اخى الفاضل
مدونتك ماشاء الله ممتازة جدا ربنا يبارك فيك وبيك يارب ولا تحرمنا من زيارتك ونصائحك فأنا اختك فى الله
أكتوبر 16th, 2008 at 16 أكتوبر 2008 2:49 م
السلام عليكم اخى علاء
والله اخى انا نقلته فعلا ولكنى نقلته من مكان تانى خالص ولو لاحظت العنوان تلاقى كلمة منقول وانا لو كنت نقلاه من مكتوب ومنك كنت لازم اذكر اسمك وانقل الصور نفسها حتى واعذرنى اخى انا اسفه لو ضايقتك
ومعذرة لتأخيرى لظروفى المرضية
ولا تحرمنا من زيارتك ونصائحك لأختك فى الله معذرة مرة اخرى
انا مش عارفة تعليقاتى بتروح فين كذا مرة اكتبلك مش بيبان
نوفمبر 13th, 2008 at 13 نوفمبر 2008 2:20 ص
شاعر مبدع كبير،
تحياتي وموداتي.
نوفمبر 13th, 2008 at 13 نوفمبر 2008 3:28 م
حبيبة الرحمن
الفاضلة
شكرا للتوضيح
جزاكم الله كل الخير