مدونة علاء عيسى| ► | نوفمبر 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
يونيو 16th, 2008 كتبها علاء عيسى نشر في , الشعر, رومانسى,
…………
..
……….
……..
إستنى بس …
مش قادر اتكلم بجد
فيه حاجات
ماعرفشى إيه هى الحاجات
حايشة لسانى من الكلام
مش قادر انطق أى حرف
مش قادر اسمع أى حرف
إستنى بس ..
لما روحى
تلقط النفس اللى ضاع منها
وتايه من سنين
لما اشوف نفسى اللى غابت عنِّى فين .
إستنى بس..
لما المشاعر تستريح م السفر
وتنشف العرق اللى غيَّر شكلها
خليها تلقى نفسها .
خليها تلبس توب جديد
م النهاردة هاينحسب للقلب عيد
إستنى بس …
لما العيون تحفض جمالك
لساها بادئة تبتدى
تتهجى حرف السحر فيه..
إستنى بس..
لما قلبى يبطل الدق اللى فيه.
عدت ساعات
مايو 23rd, 2008 كتبها علاء عيسى نشر في , الإصدارات, الشعر,
امرأة غير صالحة للاستعمال الآدمى
قصيدة طويلة بالعامية المصرية
دارالاسلام للطباعة والنشر
2008
تصميم غلاف للشاعر الفنان وائل أبو سعد
انتظرونى قريبا
تحياتى
إهداء
للست بتاعتى
……………..
ست الستات
الست الجايَّة تنظم أفكارى
بتبعتر كل الأوراق
على بعض
عمّاَلة تخربش فى مشاعرى
وتقطَّع فى الأحاسيس الباقية
شغلتها تدمر أعصابى
لانا قادر أغيَّر فيها
ولا قادر ألاقى حد يخفف عنى
ويخلينى اتحمل
أو يجعلها يوم تتنازل
عن أفكارها
الغير مقبولة
ف شرع الناس
مابتسمعشى لحد
غير لدماغها الأوسخ
منه مافيش
الست بتاعتى
كيفها تدمَّر بيتها بإيدها
مابتعرفشى تضَّحى لحد
ولا حتى ولادها
الست بتاعتى
كائن صعب
التفسير
كائن صعب التغيير
الست بتاعتى أبرد منها مافيش
أتعب منها مافيش
أأدب منها مافيش
أطيب منها مافيش
لكن طيبة طفل
طفل بيهوى يدمَّر كل حاجاته
الست بتاعتى
من أول يوم
قرفانى
الست الجاّيَة تريَّح
تعبانى
الست بتاعتى
غير كل الستات
ملحوظة تؤخذ فى الحسبان
على فكرة
مش قاصدى بالست بتاعتى بتاعتى
دلأن الست بتاعتى مش عايشة فى طوعى
دايما ضدِّى
ولهذا
مايصحش أقول عليها الست بتاعتى
تنويه م الواجب أقوله
الست بتاعتى
اللى كلامى عليها
مش هى الست بتاعتى
أنا باقصد بيها
البطلة النايمة
فى قلب قصيدتى
دلأن الست بتاعتى ست الستات
وعشان الوضع العام علِّمنى
إن الستات مالهومش
ست
فلنترك هذا الموضوع لظروفه
ولا حتى نجيب أى كلام
ع الست بتاعتى
ولا حتى بتاعتك
ولا حتى بتاعة واحد
صاحبى وصاحبك
وانخللى كلامنا عن ست
موجودة فى وسط الستات
مع إنِّى أشك ف هذا الأمر
ما علينا
ملحوظة تؤخذ فى الحسبان
إتعودت
وانا باكتب أى قصيدة
أكتب بلسانى
وكأنِّى باكتب
حالى
أو بالمعنى الأحرى
بلسان الذات
الذات
التايهة عشانها
الذات
العايشة تدوَّر عن حاجة
يمكن يوم
تشفع ليها فى يوم واسامحها
فاانا باستسمح كل القراء
وانا باكتب
هابدأ قولى
بالست بتاعتى
عشان الشعر يكون أكثر صدقاً
وانا شاعر ممكن أفلت
لو
فرضا يعنى الست بتاعتى افتكرت
إن اقصدها
ودا طبعاً جايز بعد الشر هايحصل
ساعتها هاقول:
أنا باتقمص قصة جديدة
وانتى …
المفروض ان انتى حبيبتى
وحبيبتى تتمنالى
إن أكون شاعر متجدد
وساعتها ممكن أو جايز يمكن
كدبة تعدِّى عليها
ما علينا
ملحوظة تؤخذ فى الحسبان
إلى كل رجال الدنيا
إياك تتجرأ وانت بتقرا قصيدتى
تقراها قدام الست بتاعتك
دلأنِّى خايف على مصلحتك
مش علشان ان سيادتك من الجنس بتاعى وبس
لأ
علشان متعود أخاف على قرائى
دا فْ حالة إن بفرض
الناس لساها بتقرى
جنب الألف قناة فى الدش
والشات والنت
ما علينا
هذا الموضوع مش وقته
نفتح له قصيدة المرة الجايَّة
نرجع للموضوع إياه
ها رجع تانى وافكر
كل رجال الدنيا
إوعاك تنسى وتقرى قصيدتى
قدام الست بتاعتك
مش راح تفلت
لو حصلت كبسة
أنا شاعر ممكن أفلت
وعموماً بالفرض خلاص حصلت كبسة
إياك ترمى قصيدتى فى قلب الأرض
أو تتسرع وتخبيها فى وسط هدومك
نفى النفى طبعاً عارف ..
إثبات .
كده ها تركب نفسك غلطة
والشك يزيد
وها يحصل بينكوا مشاكل
وانا عارف
مش ناقصة
تعرف أسلم حل
لو حصلت كبسة
ممكن تعمل إيه
1:ـ كشر وشك
واشتم فيَّا
قول :
الشاعر دا مجنون
كداب ….. معقول ؟!!
الست بتاعته بهذا الشكل
2:ـ ممكن تعمل نفسك متضايق
واتصعَّب واستغفر ربك
قول :
الشاعر دا غلبان
طب ليه مستنى وصابر
جايز علشان بينها وبينه عيال
ياه
إلى هذا الحد تكون الست بتاعته بهذا الشكل
أو ممكن
3:ـ اضحك .. قول :
ياه
طب ليه مش لأ
علشان مش شايف حد فى عينى
غيرك إنتى وبس ياروحى؟
فاكر كل الستات تشبهلك !!
هاتلاقى الست بتاعتك مبسوطة وتضحك
وتقولك علشان بس تقدر
وتعدى الليلة
شفت ازاى إنى انا شاعر خايف على قرائى
كبسة
المرة دى الكبسة عليا
تعرف ليه
دلأنى القراء بتوعى مش من جنسى وبس
م الوارد طبعاً م الجنس التانى
فاانا لازم أصلَّح
كل كلامى
وأخاف
على كل القراء
ولهذ ها قول
إلى كل الستات فى الدنيا
أنتن حبايبى
وحياة الست بتاعتى
مقصدتش واحدة مابينكم
أنتو ملايكة
الست اللى انا باتكلم عنها
هى
الست بتاعتى
الماشية بمبدأ خالف تعرف
وانا خايف أعرف
إن انا راجل مش عايز اعيش
فاانا مضطر اتحمل
واستنى عليها شوية
شوية لإمتى ؟
شوية لحد ماكل الناس تمسكهالى وولع فيها
الماشية خلف خلاف
ماشية ضد الشرع
والشرع ادانى حقوق
مش عارف ليه؟!
مش راضى استعمل حقى
علشان لعيال
وانا كائن عاشق للطفل
عايش مع كائن عاشقة الصوت العالى
إيدها بتسبق كل كلامها
بتصوت زى الطفلة وتتبحلص ع الأرض
قدام الناس مش فارقة
الست بتاعتى مابتخزاش على عينها
بتسمع كل
يونيو 30th, 2008 كتبها علاء عيسى نشر في , الشعر, رومانسى,
جايه تراضينى بكلمتين
خايفه أقضى الليل حزين
…. ما يهمكيش ….
أنا قلبى واخد ع الأسى
غدر الزمان يا ما علمه
جرحك ما عادش ح يألمه
هيجيله وقت ويتنسى
أنا قلبى واخد ع الأسى
يعشق سنين … يسقى الحنين
وف لحظة كله بيتنسى
ما يهمكيش
…………
كانت عيونك فيها نظرة شوق غريبة
لحظة ما شافك قلبى قال انتى الحبيبة
وان الحياه راح تبتدى بيكى واعيش
ما يهمكيش
أنا اللى شفتك قلت لك
ولما قلتى سمعت لك
واخترت شوقك سكتى
عيشى حياتك فى الهنا
الجرح دا جرحى أنا
والغلطة كانت غلطتى
إوعى تيجى لى وتسألينى
تقولى مالك ؟
روحى سيبينى
صدقينى
أبريل 15th, 2008 كتبها علاء عيسى نشر في , الشعر,
يوليو 22nd, 2007 كتبها علاء عيسى نشر في , الشعر,
واحد واخد على خاطره
واحد واخد على خاطره
أنا واخد على خاطرى كتير منك -
مانا منك
ومهما ابعد فى يوم عنك ..
باتوه فى السكه واشتاق لك
باحس بحاجه جوايا بتندهلى
وباسمع لك
وبارجع لك ..
واقول منك
وبحلم إنى بين حضنك
كأنى حته من حضنك
ولّما احزن ..!
بلاقى الحزن جاى ...
...مِّنك
ولّما افرح ..!
بلاقى الفرح دا ... ..مِّنك
خلاصة كل شئ ...... مِّنك
م انا مِّنك ،
وغصبٍ عنى أو عنك...أنا منك
رضيتى ما رضيتيش .. منك
رضيت ما رضيتشى انا ... منك
عموماً ...
كل شئ قسمه
وقسمة قلبى إنى اشعر وانا فْ حضنك
ببرد شديد
وتدى حضنك الدافى
لقلب الغير
وانا اللى قلبى كان مخلص ماليه الخير
أنا الطيب يا ست الناس
مش الشرير !
أنا الشمعه اللى قادتلك طريقك نور .
وانا اللى وعدى كان ليكى صريح جداً
وكان على نور
وفى الآخر ..
أنا الغلطان !
عشان باوعد وكان وعدى على أدى
أكون غلطان ؟
عشان الصدق كان ردى
أكون غلطان ؟
عشان ما قدرتش ازرعلك جناين كدب
مرويه بأحلى كلام
عشان ما عرفتش ابنيلك
قصور جدرانها م الأوهام
عشان ما رضيتشى أتجمل
ولا اتحمِّل
أشوف الحب متعزب
خيوطه دايبه فى الأحلام
أكون غلطان ؟
عموماً ..
كل شئ قسمه
وانا القسمه ..
أكون عايش قصاد مِّنك أنا الظالم
واكون عايش وحيد واغرق
فى بحر هموم
وانا المظلوم
رفضت انى أشوف الورده دبلانه ...
فْ جناين شوك .
محبتشى تعيش النسمه بردانه
فى ليل ضلمه ونهار مخنوق .
بحق الله أنا المظلوم
بحق الملك والملكوت
أنا المظلوم !
باكون عايش على أرضك ..
واشوف خيرك ...
... واموت محروم !
دانا أصعب قرار عندى ..
أكون عايش بعيد عنك
وأتنفس هوا بايت
ماهوش منك
بعيد عنك ..
أنا عايش كما الميت
بَـ اعِد الساعه بالثانيه عشان تِخلَصْ
باقول للعمر يالله اخلَصْ
ولا بْيخلَصْ
كأن الوقت داينِّى ..
وبادعى انُّه فى يوم يخلَصْ
عشان أخلَصْ
مانا المخلِصْ ..
بدرت الحب حواليكى
جناين ورد بتزهَّر
بيطلع منها ريح المسك
والعنبر
وصفِّتها بشجر أخضر
رفعت الحب فوق منك سما عاليه ...
... وْمَلِتها نجوم
فى وقت الضلمه بتنور
وكنتى انتى الدفا والبرد
وكنتى انتى فْ صلاتى الفرض
وكنتى انتى لقلبى الأرض
بقيتى انتى الوطن ليا .
ومين يقدر يخون وطنه ؟
عموماً ..
كل شئ قسمه
وقسمة قلبى إنى افضل
مجرد كلمه فى حكايه
وقسمة قلبى إنى احزن
وامّوت حزنى جوايا
وجايا تقولى دلوقتى
لولاكى انتى ..
ما كنت فْ يوم هاكون شاعر!
ولا هابقى مابين الناس
أنا الشاعر !
وإيه يعنى ...
م انا منك
وكل كلامى كان ليكى
... وكان منك
هاتيلى حد فى مكانى يشوفك زى ماشفتك
يوليو 21st, 2007 كتبها علاء عيسى نشر في , الشعر,
( باعترف لك )
حبى كان مش ليكى إنتى
حبى دا كان ليها قبلك
ومّا غابت عن عيونى
إفتكرت الحب مات
واما جيتى وشفتك إنتى
قلت لك : إنك حبيبتى
وابتديت اعشقها فيكى
واما جت بعنيها شاورت
قلبى فاتك يوم ما رجعت
واتنسى إحساسى بيكى
كان ضرورى لما اقابلك
إنى اقول لك واعترف لك
حبى كان مش ليكى إنتى
حبى دا كان ليها قبلك
باعترف لك
باعترف إنى جرحتك
جرح قاسى مايتنسيش
باعترف إنى ظلمتك
ظلم ناره ماتنطفيش
***
يوليو 4th, 2007 كتبها علاء عيسى نشر في , الشعر,
لا
لاتقرئى …………….!!
!!!!!!!!!!
بعتك وباندم ليه أنا بعِتك
باندم عشان انا يومها كدبِتك
صدقتهم وبإيدى ضيعتِك
دار الزمان
والحق أعلن كلمته
والوقت فات
والقلب حس بغلطته
كل الحياة ودعتها لحظة ما ودعتِك
***
بس افرضى
إنك تسامحى وتغفرى لى
وانك ح تنسى الغدر منى
وترجعى لى
يوليو 4th, 2007 كتبها علاء عيسى نشر في , الشعر,
سيب لى فرصة
لما اراجع فيها نفسى
واوعدك هاخد قرار
واللى بينَّا نأجله لبعد القرار
***
طول ما حاسّه الدنيا شايفاها بعينيك
وان رحلة عمرى خطوتها بإيديك
وان تغيب عن بالى لحظه بانشغل عنَّك وبيك
وامَّا اشوفك بانسى روحى ونفسى فيك
يبقى دا مش حب لا
يبقى دا إسمه انتحار
سيب لى فرصة
لما آراجع فيها نفسى
واوعدك هاخد قرار
***
وان عرفت أخبى طيفك عن عيونى
وان لقيت النوم بدأ يعرف جفونى
يوليو 4th, 2007 كتبها علاء عيسى نشر في , الشعر,
يابنت الإيه
ياساكنة القلب والننى
باشوفك ليه 00؟
بالاقى العقل تاه منى
***
يابنت الإيه أنا رايدك
بشرع الله تشاركينى
حياتى باشوفها من بعدك
دموع عاشقة رموش عينى
باحبك بس مش عارف
باحبك ليه 00؟
***
باحبك حب خلانى
أقول للغنوة ياغنوة
تعالى قوام وبتجينى
بلاقى الغنوة مكتوبة
بتطلع منى مكتوبة
كأنى الشعر من دمى وتكوينى
***
باحبك حب فوق ماالعقل يتصور
ولو حبك جميع الناس
أنا قلبى ح يديلك حنان أكتر
يوليو 4th, 2007 كتبها علاء عيسى نشر في , الشعر,
(…………..!!……….. )
عفواً
سقط
العنوان
سهوا"
عفواً (1 )
جراج " فى وسط البلد
مكتوب عليه ممنوع ..؟
دا ملك لابن الذى ..
ولهيئة المشروع
سألت مين البيه ..
واسم الذى حارسه
قاتلوا لى بطل هبل
سك لنا ع الموضوع
دا يا ما غيرك سأل
لاكنه مات من الجوع
……………
سقط (2 )
" البيضة " ويا " الفرخة "
على طول سوا فى نقار
والمشكلة كلها
مين ابتدا المشوار
الفرخة قالت :
هس
يا بيضة بايضاكى
والبيضة قالت :
بس
يا فرخة فاقساكى
على طول كده يا ناس
آهى عيشة وحياة ماشية ..... نجوع وبتشبع الحاشية
